Experience these PDA devices (1)


 

Date: 2017-04-13

 

承接尋日鍾一兄既Facebook Live直播,簡介過Burmester Phase 3組合,同埋擺放起公司大堂既數碼產品試聽區,今日會同大家講下數碼試聽區,唔同產品既配搭方法,仲有聲音效果。


其實,除咗用Fostex TH-900 MKII耳筒,直接聽A&K播放器之外,你仲可以用手機或者iPad,透過藍牙aptX無線傳輸到Lindemann musicbook : 20 DSD Network Music Player接收,再以有源(內置擴音機)既Elac AIR-X 403喇叭仔開聲,聽音樂既感覺又係完全唔一樣。當然,A&K播放器最理想又好聲既接法,應該係用Balanced Out (2.5mm插 --> XLR),直入耳擴,例如我哋試聽區用緊既一部Bryston BHA-1 Headphone Amp,聲音表現保證最正!


覺得有D複雜?
不用擔心,你上到嚟公司,同事會逐一耐心為你解釋介紹。今次就先簡單講講Astell & Kern 3系列入門型號AK300,用藍牙入musicbook : 20 DSD,經BHA-1耳擴用Fostex耳筒,聽各類型音樂,感受到既音色同音效。


隔音效果唔錯
戴耳筒,首要「先不聽音樂,感受舒適性」,第一個項目Fostex 已經會令你留有好感。另外,呢個TH-900 MKII既然係封閉式耳筒,你當然會問:隔音效果好唔好?我哋非常樂於同各位分享呢個經驗:那日我正戴住佢試聽,手機響起,響了廿秒我都沒聽到,甚至有人走到身旁我都沒注意。我開很大聲嗎?不,不算很大。咁就能夠讓人專心欣賞音樂,而不受外界打擾。你話,佢既隔音效果怎樣呢?


溫暖中帶有分析力既人聲
選播Chesky「大眼妹」Spanish Harlem,我個人以為A&K > Lindemann,再入Bryston耳擴 + Fostex耳筒,中頻和高頻表現佔咗好重要地位,甚至比低頻表現更傑出;佢既中頻清晰而且細節很多,有分析力,高頻延伸更是自然;或者係因為用咗密閉式耳筒既緣故,中頻聽起來還帶有一股暖意,呢一點溫暖、一點厚度,就夠讓你一首接一首點播落去。我從Rebecca Pidgeon,聽到Michael Jackson,再到Louis Armstrong、Diana Krall,如果你喜歡聽人聲,這個A&K + Fostex既配搭,肯定唔會讓你失望。